O PP reclama ao Ministerio a mellora de 60 quilómetros da rede viaria estatal de Caldas e O Salnés
Por Oskar Viéitez
O PP vén de esixirlle ao Ministerio de Transportes e Mobilidade Sostible que acometa de xeito urxente a mellora integral do firme e a adopción de medidas de seguridade viaria nos 59,9 quilómetros das catro estradas nacionais que percorren as bisbarras de Caldas e O Salnés, a N-550 e a N-640 coas súas variantes urbanas da N-550 A na capital do Umia e da N-640A en Vilagarcía.
Os populares sinalan que estas estradas se atopan nun estado "moi deficiente" por mor da "nula ou escasa labor de mantemento e conservación ao longo dos últimos seis anos".
Nesta reclamación participaron os deputados Ana Pastor e Pedro Puy, o senador José Crespo, os deputados autonómicos María Deza e María Martínez Allegue, os deputados provinciais Isabel Couselo, Javier Tourís e Marcos Guisasola, os alcaldes Ricardo Martínez, Sito Gómez e José María Bello e os voceiros Fernando Pérez, Ana Granja, Manuel Vidal e Estefanía Frieiro.
Os populares sinalaron que as catro estradas nacionais que percorren Caldas e O Salnés polos concellos de Vilagarcía, Caldas, Pontecesures, Valga, Portas e Cuntis presentan "innumerables fochancas, fendas e desniveis na plataforma, graves problemas de drenaxe, mala sinalización, falla de visibilidade, peraltes deteriorados e cruces perigosos".
Estas catro estradas son empregadas diariamente por ata 33.170 usuarios por xornada, segundo os datos oficiais de Intensidade Media Diaria (IMD) do propio Ministerio de Transportes.
Relacionadas:
-
López preocúpase pola "escasa" cifra económica que o Ministerio de Transportes investirá na mellora da rede de estradas
Por Anxo Lourido |
-
O PP de Pontevedra advirte do "deterioro evidente e perigoso" das estradas nacionais
Por Oskar Viéitez |
-
Alertan do "impacto brutal" que terá a A-57 na contorna escolar do CEIP San Andrés de Xeve
Por Oskar Viéitez |
-
A Deputación licita a conservación integral da rede viaria provincial e esixe ao Ministerio que mellore o firme da súa
Por Oskar Viéitez & Mónica Patxot |
-
O PP esixe ao Ministerio de Transportes a mellora do firme das estradas nacionais da provincia
Por Oskar Viéitez |